எலெக்ட்ரிக் ஸ்கூட்டர்களை உருவாக்குவதில் ஆர்வம்

இந்தியாவின் பாரம்பரிய வாகன தயாரிப்பு நிறுவனமான பஜாஜ் ஆட்டோ சேத்தக் மின்சார ஸ்கூட்டரை விற்பனைக்கு கொண்டு வரும் நாள் தொடர்பான அறிவிப்பை வெளியிட்டுள்ளது. நாட்டின் வாகனத்துறை பிஎஸ்-6 மாசு உமிழ்வு விதிகள், வாகன பாதுகாப்பு அம்சங்கள் மற்றும் மின்சார வாகன பயன்பாடு ஆகிய மூன்று சவால்களை எதிர்கொள்ள தயாராகி வருகிறது. வரும் ஏப்ரல் 1 முதல் பிஎஸ்-6 வாகன விதிகள் நாட்டில் நடைமுறைக்கு வருகின்றன. அதற்கேற்றவாறு, பல்வேறு முன்னணி நிறுவனங்கள் வாகனங்களை தயாரித்து விற்பனைக்கு அறிமுகம் செய்து வருகின்றன. மேலும் பல புதிய வாகனங்கள் விற்பனைக்கு வருவதற்கான ஆயத்தப் பணிகள் துவங்கியுள்ளன.